خلاوييييييييييص
الحمدلله خلصت امتحانات اخيرا
بعد عناء شهرين ونص تقريبا
بجد افتقدكم جميعا
وانتوا اكيد نسيتوا شكلى اصلا
دانا اصلا مكنتش بدخل عندى
معلش ان شاء الله هلف عليكوا كلكوا اقرا كل اللى كتبتوه فى غيابى
_________________________________________
المهم مطولش عليكوا
لا طولى......
انهارده وانا نايمه بعد الامتحان قعدت افتكر وانا صغيره _هو فيه حد بيفتكر وهو نايم يا بت _معلش عدوها
المهم
قعدت افتكر وانا صغيره حاجات كده رفنعه يمكن مكنتش هافتكرها لو كانت حصلت لى وانا كبيره
يعنى مثلا مره وانا وانا فى الحضانه
كانوا حطينلنا لعب كتيره اوى
مرصوصه
بنلعب بيها يوم الخميس بس
ولعب معينه كمان عشان العلب الغاليه متبوظش
واللى يبوظ لعبه كان بيبقى يا ويله يا سواد ليله
فاكره اول يوم فى اولى ابتدائى
كنت رايحه بقى لابسه اليونيفرم الجديد
ومعايا مصروفى وسندوتشاتى فى شنطى وشنطتى على ضهرى
فاكره ميس منى بتاعه العربى كنت بحبها وكنت بتقعد تحفظنا النصوص بطريقه حلو اوى
كنت بحفظ بسرعه اوى وانا صغيره
كان يبقى بابا بيحفظ اخويا الكبير وانا قاعده القط منهم واحفظ قبليه
دلوقتى طبعا كله ضايع فى الزهايمر اكيد
عشان كده دايما بينصحوا بحفظ القرآن فى السن الصغيره
عشان كده كمان المفروض فى مدارس الابتدائى وقبل كده كمان
يستغلوا الميزه الرهيبه دى فى الاطفال
ويحفظوهم ويدربوهم على مهارات كتيره من صغرهم
فاما يكبروا تكبر معاهم وعمرهم ما ينسوا حاجه ابدا
و ده طبعا لازم يكون بمراعاه مواهب كل طفل وميوله
يعنى اللى بيحب العلوم والرياضه ينموه فى المجال ده والللى بيحب الخرايط والجغرافيا يحفظوه الخرايط والاماكن باسلوب سهل وجميل
عشان عمره ما يتنسى
انا بقى اصلا برغى عليكوا كل الرغى ده ليه
عشان تشوفوا الفديو ده
اهى الطفله دى اما تكبر هتبقى بوصله متحركه
عمرها ما هتنسى اى مكان وهتبقى ضليعه فى الجغرافيا
وهتنمى موهبتها لما تكبر كمان لو هى حبت المجال ده
ذاكره الاطفال دى بجد كنز لازم نستغلها كويس لصالح مستقبلهم وحياتهم
بدل الزهايمر اللى احنا فيه ده...........
هناك 12 تعليقًا:
ياجبااااااااااااااااااااااره
انتي جباره بجد جباره ايه الثكر اللي انتي فيه دا ياقمر
والله وحشاااااااااااااااااااااني اوي اوي بجد
وكل شويه افتكرك وافتكر ايام شقاوتك معايا
حمد الله علي السلامه
وفعلا ذاكره الاطفال لا توصف وفعلا بينصحوا ان الاطفال تحفظ كل حاجه عشان الموضوع دا
اصل الفكره ايه في الحفظ دا
ان كل اما الذنوب بتكون قليله كل اما بتقدر تحفظ وكل اما بتذيد الخطايا كل اما القدره علي الحفظ والاستيعاب بتقل
كان في واحد مش فاكره اسمه بس هما من الناس القدام كان بيحفظ الصفحه بمجرد القراءه لاول مره لدرجه انه كان بيخبي لصفحه التانيه ليلقط كلمه تقوم تتحفظ مع الصفحه اللي بيقراها
وفي مره قرا صفحه ووجد نفسه انه مش حفظها زي مامتعود
فعرف ان فيه ذنب عمله
استغفر ربنا وتاب ورجع فعلا يحفظ تاني
عشان كدا الاطفال بتحفظ لانهم اطفال مهما عملوا فاللي بيعملوه براءه مش ذنوب وحاجات غلط وحرام وبتتعمل
سلاااااااااااااام لحسن انا لما برغي اوعي السكه محدش بيوقفني كيكيكيكيك
هييييييييييييييييييييييه
اول تعليق
امممممممممممممممممواه ليكي يارودي ياقمر
ايه دا هو انا قلت بحبك ولا مش قلت اديني بقول اهوووووووووووووووووووو
والله وحشاني ويارب تنجحي ياقمر وبتفوق كمان
كييييييييارتى حبيبتى
ايه الدوشه اللى انتى عملاها هنا دى
يارب دايما كده منورانى يا حبى
والله ذاكره الاطفال دى فعلا معجزه
والسن الصغير عموما
يعنى برضه سننا ده احسن من اللى اكبر منه وهكذا
ولو انى حاسه ان جدتى ومامتى بيفتكروا احسن منى اصلا
ربنا يسجيب لدعاكى يارب وانجح
سلاموز يا قمر
خليكى كده دايما بريئه زى ايام الطفوله
كده احسن البراءه اجمل حاجه ممكن تتوصفى بيها
روودى
حمدالله عالسلامة بعد الامتحانات يا دوكتور
مش انا كنت وعدتك اقولك دوكتور بعد الترم الاول :D
اى خدمة :P
وربنا معااكى ف النتيجة وتجيبى تقدير جامد كدة
طبعا انا مش باجى هنا غير كل فين وفين عشان حبيبتى الثانوية :D ال يعنى باذاكر
المهم كفاية رغى
البنت دى تحفة بجد تجنن
ما شاء الله
وعجبنى اوى الكومينت بتاع كيارا
فعلا معاها حق
والامام الشافعى قال :
شكوت الى وكيع سوء حفظى .. فأرشدنى الى ترك المعاصى
واخبرنى بأن العلم نور .. ونور الله لا يهدى لعاصى
تقريبا هو صاحب القصة دى
لكن مش متأكدة
ثاانكس يا دوكتور عالكليب
وهابقى انطلك كتير هنا بقى ف الاجازة الكميلة دى اللى مش هاتكمل اسبوع :((
بيتى ومطرحى طبعا :P
romancy
انا بريئه زى الاطفال!!
ده من زوق حضرتك والله
نورتنى والله
ـــــــــــــــــــــ
mona
ازيكى يا بنتى عامله ايه ؟؟
اخبارك مزاكرتك فى الثانويه العاميه ايه ؟؟
شدى حيلك بقى عشان تخلصى من الهم ده
وهو تقريبا الامام الشافعى فعلا اللى كياره اتكلمت عنه
تنورينى طبعا
الف مبروك انك خلصتى الإمتحانات
وترجعلنا شقاوتك تانى:))
تحياتى
حمدا لله على السلامة
نورتى عالم التدوين من تانى
blue-wave
الله يبارك فى حضرتك
تحياتى
ــــــــــــــ
mohamed ghalia
منور بأهله :))
إرسال تعليق