السبت، 22 سبتمبر 2012

أول يوم بكالوريوس !!!




يااااااه ....مفيش اسرع م الأيام !
مكنتش متخيلة انى وانا باكتب البوست ده
http://roodyhanem.blogspot.com/2008/09/blog-post_25.html


عن أول يوم ليا فى الجامعة

انى هيجى اليوم اللى اكتبلكم فيه عن اول يوم فى آخر سنة ليا فى الجامعة بسرعة كده !

اد ايه احنا بنكبر بسرعة اوى من غير ما نحس

للاسف كل ما بنكبر كل ما الحياة فى نظرنا بتبقى اكثر تعقيدا وبتبقى الحاجات اللى بتفرحنا اكثر صعوبة

وانا صغيره كانت بتفرحنى لعبة جديدة

أول بوم فى الجامعة فرحتى كانت طاغية بانى مش هالبس لبس المدرسة تانى !

انهارده مش عارفه افرح ولا ازعل ؟!

افرح عشان خلال سنة هتعدى هوا مش هابقى طالبه تانى وهابدا اشتغل واتحمل المسؤلية
ولا ازعل عشان مش هاينفع خلاص ابقى  مش حاملة هم حاجه ورامية مسؤليتى ...مانا كنت طالبة مش مطالبه غير انى اذاكر وانجح ...ولا لانى مش هاشوف زمايلى غير صدفة بعد كدا ....ولا لانى مش عارفه مستقبلى هيبقى شكله عامل ازاى وهاقدر اثبت نفسى ولا هافضل هوائية ومتقلبة كما انا فى الدراسة

مش عارفه الصراحة احاسيس ملخبطه اوى أبرزهم التوهان واللامبالاه ببدايه الدراسة الصبح وانا لسه صاحية !

هى الايام بتخلينا اكثر برودا ولا ايه ...انا فى ابتدائى كنت بنام من المغرب :d
بس عموما ...عندى فضول اعيش سنة التخرج واستمتع بلحظاتها
يمكن مش حاساها دلوقتى ...بس يمكن بعد كده اما الايام تعدى احسها وافتكرها
وانا بأقرا البوست ده كمان واقول يااااااه ....مفيش اسرع م الايام !

هناك 5 تعليقات:

الازهرى يقول...

أيام وبتعدى

وعقبال ما نبارك لك على البكالوريا

ألـــــــوان الحيــــــــاة يقول...

دايما حضرتك بترفع معنوياتى يأول تعليق :)

...يارب آمين :)

متشكرة أوى

romansy يقول...

مفيش اسرع من الايام هانت كلها السنه دى ونبارك لك على البكارلوريوس كده والسنه اللى جايه على العريس
ربنا يوفقك

ألـــــــوان الحيــــــــاة يقول...

رومنسى

يااااااه عاش من شاف حضرتك :)

فعلا مفيش اسرع م الايام

ربنا يخليك ويارب تكون بخير

نورتى :)

Unknown يقول...


هديّة لك من الزمن الجميل ، إكتشفها !!