الخميس، 13 يونيو، 2013

أول وأخر يوم

 لانى تعودت انى اسجل اللحظات المميزة فى حياتى عالمدونة دى 

على الرغم من ان تقريبا كل الناس هجرت عالم المدونات

بس انا باحس احاسيس عظيمة لما باقرا بوست قديم ليا عن يوم مميز

زى ما لقيت انى كاتبة عن ليله اول يوم ليا فى الكلية

واول يوم نفسه

ويوم ما كملت 22 سنة

انهارده باكتب عشان دى ان شاء الله آخر يوم مذاكرة ليا باذن الله

بكرة آخر يوم امتحانات

خمس سنين عدوا هى تقريبا عُمر المدونة

وتقريبا أحلى فترة هافضل فاكراها طول حياتى واكتر فترة مؤثرة اتغيرت فيها

احلى فتره عشان الصحاب مش عشان الكليه خالص

الكلية انا هاكسر وراها القَلة دى :D

باكتب البوست ده عشان اجى كمان خمس سنين افتكر ليلة زى دى

او كمان عشر سنين واجى افرج اولادى عالقلة اللى كنت عملاها :d

بس طبعا هاكون مبسوطه لو حد قراه واتمنالى التوفيق فى حياتى الجاية :) ودعا لى :)



هناك 5 تعليقات:

الازهرى يقول...

الكلية انا هاكسر وراها القَلة دى :D


قلت الكلمة دى من أربع سين
ومن ساعتها ما فارقتش باب الكلية

مش سقوط ما تخافيش :)
بس حنين بقى
وقلبت بدبلومات
وماجستير وكلام فاضى كتير كده

ربنا يوفقك دايما يا رب

ألـــــــوان الحيــــــــاة يقول...

لاااا مش أنااا
انا مش بتاعة دراسات عليا والكلام ده :))

ربنا يكرمك يارب وشكرا عالدعوة الحلوة :)

بالنسبة لمدونة حضرتك انا دخلت من فترة لقيتها مقفولة !!

ايه الموضوع ؟؟

الازهرى يقول...

كلنا قلنا كده فى الأول :)

لا دى كانت ظروف كده
وراحت لحالها والحمد لله

Uouo Uo يقول...



thx

شركه تنظيف

Uouo Uo يقول...



thx

شركه تنظيف