انهارده بس صدقت ان الرجاله ماتوا فى حرب اكتوبر
بعد اللى سمعته من واحده صاحبتى وهى بتحكى الموقف اللى شافته بعينيها واللى بتقسم انه لو كان اتحكالها مكنتش صدقته
أنا نفسى مش متخيله ازاى ده حصل
بجد انا اتضايقت واتنكدت ان ده بيحصلنا
ليه بقت الاخلاقيات فى النازل وقله الادب فى الطالع ؟؟
ده اكييد غضب من ربنا علينا عشان بعدنا عن دينا ؟
لو مكنش كده هيبقى ليه ؟
انا فعلا مش لاقيه كلام اقوله بس هسيبكوا مع اللى البنت حكته بلسانها :
بسم الله الرحمن الرحيم
كنت بسمع الكلمة دى كتيييييييييير اوى
بس مفهمتهاش غير النهارده بجد
(( ماتوا الرجالة فى حرب 1973 ))
بجد
والله العظيم شئ محزن جدا
مصر واللى اولادها كانوا معروفين بالجدعنة والاخلاق والرجولة
معرفش ايه حصلهم
لنخوة انعدمت مبقيتش تلاقى راجل فى الزمن ده
والموقف ده حصلي النهارده
كنت راكبة الميكروباص عودة من الجامعة وبعد رحلة شاقة فى المترو
وحصل شد ما بين اتنين .. واحدة كبيرة فى السن قد جدتى ،، والتاني راجل عادى
الخناقة كانت ما بينهم هما الاتنين فقط لا غير
الست دى قاعدة جنبى
معرفش فجأه
لقيت شاب عمره ما بين ال 20 و ال 25
قام شاتم الست دى شتيمة قذرة
قامت الست شاتماه شتيمة اقذر
قام قالها ....... ده يبقي جوزك
قامت قالتله بس يا ...... يا ابن الـ ........
لقيت الراجل قالها متغلطيش ف امى
ده انا هربيكى
والاقى الراجل نزل فى الست ضرب
والناس تهدى فيه وهو لو طال يخرملها عين كان عمل
الست مسكتتش وهاااات يا صويت و قلعت النضارة وشمرت اكمامها و فضلت تضرب فيه وتشتم
انا كنت جمبها كل اللى قدرت اعمله انى مسكتها بجد وكنت بشدها وكنت عمالة اقول اعوذ بالله من الشيطان الرجيم واقولها اهدى يا امى
لست كانت عمالة تقولى حاسبى كده بس بجد مكانش ينفع اسيبها كانت هتتبهدل
لمهم الواد مسبهاش
واول مرة ف حياتى اسمع واحد بيشتم ف دينه .. ايه ده هو فى ناس كده بجد
وبما ان الرجالة كانت ماسكة ايده لقيت الراجل طالع برجله معرفش ازاى و هات يا ضرب ف وشها و ف جسمها
بجد كان نفسي اخد الست دى ف حضنى انا مش عارفة ازاى فى بنى ادم كده
انا راجعة البيت وايدى واقفة تماما مش قادرة احركها و مليانة كدمات زرقة والله وخربشة
فما بالكوا بيها
وهى انسانة كبيرة فى السن
والبنى ادم ده مش راضي يعتقها
هل بجد وصلت بيه البجاحة لكده ؟
فعلا انا مستغربة اوى
وحزينة اوى اوى اوى
والست بعد ده كله لما هديت
فضلت تحسبن وتعيط
وانا اقولها معلش يا امى حقك عليا يا امى
والاقى الحقير ده نازل عليها ضرب تانى
انا بجد معرفش اتكلمت ازاى بس لقيت نفسي بقوله ميصحش كده ع فكرة عيب اوى اللى انت بتعمله ده
كل اللى انا فاكراه انى لقيت ناس بتضحك عليا
الحمد لله ان الواد مقلبش عليا
بس قسما بالله انا فعلا كان نفسي انزل فيه ضرب وخاصة اننا كنا اتعلمنا ان فى كذا منطقة ضعيفة فى الجسم بتضعف اللى قدامك اوى وممكن كمان تخدره لمدة بس لو الضربة طلعت صح
بس بجد كنت خايفة اوى
الست وهيا بتعيط جنبى والناس ماسكة الراجل
بجد صوتها والبهدلة اللى شافتها والله خلونى اعيط جنبها
كيد الناس دى مش بشر عادية
مينفعش ده يكون انسان
والله انا مش مصدقة ان ده حصل ولو حد كان حكهولى مكنمتش هصدق
انا اعرف ان مش من الرجولة ولا الدين ولا الاخلاق ولا اى الانسانية انى امد ايدى ع واحدة
وكمان كبيرة فى السن !!!!!!
لا تعليق
(( فعلا لقد استنوق الجمل !! )
خلص كلام البنت وخلص كلامى انا كمان
هناك 20 تعليقًا:
الرجالة ما ماتوش ولا حاجة... كل اللي حصل إن السيدة الكبيرة في السن ومعها صديقتك، كانوا راكبين عربية ما فيهاش رجالة... رغم إن حكاية صحبتك دي لا علاقة لي بها بالمرة، إلا إنها جعلت دمي يغلي في عروقي، وكم أتمنى لو كنت من ركاب تلك السيارة التي شهدت الواقعة، فألقنه وأمثاله من الدروس ما لا ينسوه ما حيوا! بس أنا متأكد أن نفس الشخص سيشهد في حياته ما هو أسوأ مما فعله مع تلك السيدة الكبيرة السن.
ما البوست شغال اهو يارودي
ليا عوده للرد
للاسف الموقف دا حصل قدام عنيا انا كمان بس الحمد لله الباص كان فيه رجاله ومنعو الراجل دا انه يضرب الست وقالولو ميصحش دى فحكم والدتك وكدا بس كانو بيشتمو بعض
الزمن بقى وحش وكل واحد بيخرج من بيته على كتافه هموم الدنيا الله اعلم كان ايه فالشاب دا منرفزه كدا بس اذا التمسناله هوا عذر انه يكون فى حاجه منرفزاه الناس اللى حواليه ليه مش يحاولو يهدو الموقف شويه
رودي
سبحان الله
لسه اخويا بيحكيلي حكايه شبه دي النهرده
بيقولي الموقف اذهل الجميع ومبقاش عارف يتصرف ازاي
بس بجد بجد اللي استغربته انالست دي قعدت تشتم شتايم قذره زي ما بتقولي وقلعت النظارة وشمرت اديها
يعني الستات كمان ماتو في الحرب...
ربنا يلطف بالعباد
زى ما فيه نلس مش كويسين
اكيد برضه فيه ناس كويسين
ممممم
مش لازم يعنى لما تشوفى موقف زى ده تحكمى ان الناس زى بعضها
مبنكرش ان حالات زى دى بنشوفها كتير اليومين دول
بس لسه فى ناس جدعان لغاية دلوقتى وفى رجاله بجد يقفو فى الوقت المناسب
والشخصية اللى انتى بتقولى عليها دى فرد مش جماعه
يعنى زى ما بيقولو صوابعك مش زى بعضها
وصدقينى لسه الامل موجود فى شباب مصر
ادعيى ربنا انتى ان الشباب يرجعو زى الاول
بس برضه انا بعتب على الحاجه الكبره انها ردت على الشخصية دى
وانتى بتعترفى انها ردت عليه باقذز من اللى قالهولها ... قد يكون الشخص ده مغيب وبيعمل كده وهو فاقد الوعى
عموماً... اللهم اهدى شباب وبنات المسلمين يا رب العالمين
Hina wi Hinak
فعلا والله مفيهاش رجاله مادام محدش قدر يمنع البنى ادم ده (هسميه بنى ادم مجازا يعنى ) لو كان فيه وممنعهوش يبقى فعلا ميستهلوش انهم يعيشوا
انا اصلا مش قادره اتخيل الموقف
ربنا يتولانا برحمته
فى امان الله
كيارا
اه مانا نمت وقمت لقيته اشتغل
مستنياكى :)
انا حره
كمان حصل ادامك ؟ انا بصراحه اول مره اسمع على حاجه كده , هى بقت حاجه عاديه ان واحد يمد ايديه على واحده ست ؟؟
بس انا معترضه معاكى , مهما كان اللى منرفزه لا يمكن ابدا توصل بيه الجراءه انه يمد ايده على ست قد جدته
اللى حواليه بقى دول بجد اللى مضيقايقنى اكتر منه , ازاى يسيبوه يعمل ده كله وسايبين البنت بس هى اللى بتحوش
بجد حاجه تحرق الدم
منورانى بجد:)
بنت الماضى
فعلا سبحان الله
هو انا كل ما احكى لحد يقولى لسه حاصل انهارده!!!
هو ايه اللى بيحصلنا ده ؟ ازاى يعنى ؟
بس انا مش مستغربه اوى لموقف الست لان هو اللى شتم الاول ده غير انها ست كبيره وغالبا الناس الكبار ممكن يقولوا الفاظ كده يعنى بس هى كانت بتدافع عن نفسها ومهما عملت مش هيساوى ابدا اللى هو عمله
ده بهدلها يا بنتى
شكرا لمرورك الرائع
romansy
اه اكييد فيه كويس بس خلاص الوحش بقى اكتر من الكويس
اذا كان اغلبيه الناس شافوا مواقف مشابهه للموقف ده ؟ يبقى فين الكويس بقى ؟
منورنى دايما :)
mo5tar
اكييد لسه فيه شباب محترم ومتدين
بس صوابعك مش زى بعضها دى كان معناها زمان انك ممكنتلاقى واحد كويس يقابله واحد وحش انما دلوقتى بقى معناها بالنسبه لى انى ممكن نلاقى اصبع واحد كويس وباقى الاطراف كلها تعبانه
انا بصراحه مش بعتب عالست خالص , لانها سيده مسنه فى سن جدتى وممكن يطلع منها اى لفظ وهى فى موقف الدفاع عن نفسها
وده مش مبرر ابدا انه يفكر مجرد التفكير انه يمد ايده عليها
وهو اصلا مد ايده ورجله كمان
اللهم اهدى شباب وبنات المسلمين يا رب العالمين
شكرا لتعليقك الرائع ومرورك الاروع :)
لا لسه فيه رجالة جدعة وفيه ستات محترمة ما بتشتمش
بس الموقف ده بسيط اوي بالنسبة للحقيقة اللي بعيدة عن العين
يعني خدي عندك مرة شفت واحدة وصاحبتها ضربوا بعض في الشارع ولا اتنين رجالة بيتخانقوا
بس لأني واثق ان العيب فيهم مش في الناس ماستغربتش
ومرة شفت واحدة بتضرب واحد بشكل مهين برضه وشتايم قبيحة
ولأني واثق انه مش راجل ماستغربتش منه ولا منها لأنها سمحت لنفسها تعرف واحد زي ده
دي الأمثلة السلبية اللي مفروض مانعممهاش علي كل الناس ونقول الرجالة ماتوا في الحرب والستات باعوا نفسهم
لأن ببساطة في امثلة ايجابية قدام عيني طول الوقت وهما
ماما وبابا واخويا وأختي
اللي ماخترتهمش بس هما اختاروني وربوني علي اخلاق وقيم خلتني اعترض علي موقف غلط
وجيراني وزميلتي وزميلي واصحابي
اللي اختارتهم وشاركوني في مبادئي واخلاقي واعترضوا معايا عالغلط
شكلي طولت بس الموضوع شيق ومجاله واسع
فأجبرت علي التعليق
تحياتي جداااا
حسبنا الله ونعم الوكيل
فى البداية أنا عايز أوضح أنه رغم هذا التصرف المشين إللى عمرة مايطلع من إنسان عاقل ومتزن .. لكن دى حالة فردية لاتعبر عن القاعدة العريضة من الناس
باختصار .. لسة فيه رجالة
دمتى بكل الود .. تحياتى
انا جايه اقولك انك نورتى مدونتى بجد
ومتابعتك ليا ف الدستور تشرفنى بجد جدا
انا قرأت عنوان البوست بس
وعاجبنى واقر واعترف بيه جدا
وجايه تانى ياقمر
بيس مؤقت
ندعوك للأشتراك فى برنامجنا الأذاعى...اول برنامج عن النت والمدونات من الأذاعه الرئيسيه لمصر ...ندعوك لزيارة مدونتنا وبها كافة التفاصيل
http://netonradio.blogspot.com
roufi
انا معاك ان مش الاغلبيه كده لا فيه فعلا ناس كتيره محترمه وكويسه
بس حاجه تزعل اوى لما شاب صغير يضرب ست كبيره قد جدته فى مكان عام يعنى كان المفروض ان فيه رجاله كتييير ومحدش فيهم منعه ولا وقفه
ومش معقول كل ما نشوف مثال سلبى هنقول دى حاله فرديه والباقى كويس لا مهو معنى كده ان الحالات كتير والموضوع كبير اوى
شكرا لتعليقك الذى اسعدنى كثيرا :)
د/ رامي شهاب الدين
أتفق معك كثيرا
اكييد لسه فيه رجاله بس برضه فى محسوبين عالمجتمع رجاله عالفاضى
أسعدنى مرورك
تحياتى
دعاء مواجهات
مستنياكى يا عسل
بيس يا عسل :)
مررت فأعجبتنى المدونة فتركت لكم بصمتى وأيضا
دعوة من الأنسة منى مشرفة مركز خدمة
المدونين العرب لخدمة نشر المقالات على العالم ودعوة للعضوية فى مراسلتنا ونشر مقالاتكم أمام أشهر مدونة عربيةوتسجيلكم لدينا وتبادل البنر ولا تبخلو بالرد
إرسال تعليق