السبت، 25 أبريل 2009

ارض بما قسمَ اللهُ لكَ تكنْ أغنى الناسِ

السلام عليكم ورحمة الله وبركاتة

ازيكوا جميعا ؟؟يارب تكونوا بخير

كتير مننا بيفكر دايما انه معاه القليل وغيره معاه الكتير
وكل واحد باصص للى فى ايد غيره
ودايما نسمع اللى بيقول مثلا :

 بس لو كنت غنى شويه
 انا ناقصانى السعاده وراحه البال
 بس لو كنت جميله شويه كان زمانى اتخطبت
 مش كان زمانى متجوزه دلوقتى
 انا ايه اللى خلانى اتجوز دانا كنت فى بيت ابويا ملكة
 بس لو كان عندى اطفال
 جتها نيله اللى عايزة خلف تيجى تتفرج

يعنى من الاخر محدش عاجبه حاله 

مع ان لو كل واحد فكر فى اللى ايده هو بس هيلاقى عنده نعم كتير اوى ربنا اداهاله وتستهال اننا نحمد الله عليها ونشكره كتيييييير عليها

وهيبقى سعيد وفى حاله رضا وسلام داخلى مع نفسه

بخصوص الموضوع ده كتب الشيخ الرائع/عائض القرضى كلام مقنع جدا وجميل جدا

هو من كتابه لا تحزن والكتاب ده انا بجد حبيته جدا فيه كل حاجه باسلوب مقنع ومريح ورائع جدا وفيه كذا حاجه فيه شدتينى وحابه ابقى اتناقش معاكوا فيها باذن الله

وده كلامه فى الجزئيه دى

عليكَ أن تقْنع بما قُسِمَ لك من جسمٍ ومالٍ وولدٍ وسكنٍ وموهبةٍ ، وهذا منطقُ القرآن ﴿ فَخُذْ مَا آتَيْتُكَ وَكُن مِّنَ الشَّاكِرِينَ  إنَّ غالبَ علماءِ السلفِ وأكثر الجيلِ الأولِ كانوا فقراء لم يكنْ لديهم أُعطياتٌ ولا مساكنُ بهيةٌ ، ولا مراكبُ ، ولا حشمٌ ، ومع ذلك أثْروُا الحياة وأسعدوا أنفسهم والإنسانية ، لأنهم وجّهوا ما آتاهمُ اللهُ من خيرٍ في سبيلِهِ الصحيحِ ، فَبُورِكَ لهم في أعمارِهم وأوقاتِهم ومواهبهم ، ويقابلُ هذا الصنفُ المباركُ مَلأٌ أُعطوا من الأموالِ والأولادِ والنعمِ ، فكانتْ سببَ شقائِهم وتعاستِهم ، لأنهم انحرفوا عن الفطرةِ السويَّةِ والمنهجِ الحقِّ وهذا برهانٌ ساطعٌ على أن الأشياءَ ليستْ كلَّ شيءٍ ، انظرْ إلى من حمل شهاداتٍ عالميَّةً لكنهُ نكرةٌ من النكراتِ في عطائهِ وفهمهِ وأثرهِ ، بينما آخرون عندهم علمٌ محدودٌ ، وقدْ جعلوا منه نهراً دافقاً بالنفعِ والإصلاحِ والعمارِ .

إن كنت تريدُ السعادةُ فارضَ بصورتِك التي ركبَّك اللهُ فيها ، وارض بوضعكِ الأسري ، وصوتِك ، ومستوى فهمِك ، ودخلِك ، بل إنَّ بعض المربّين الزهادِ يذهبون إلى أبعدِ من ذلك فيقولون لك : ارض بأقلَّ ممَّا أنت فيهِ ودون ما أنت عليهِ .

هاك قائمةً رائعةً مليئةً باللامعين الذين بخسوا حظوظهُمُ الدنيوية :

عطاءُ بنُ رباح عالمُ الدنيا في عهدهِ ، مولى أسودُ أفطسُ أشَلُّ مفلفلُ الشعرِ .

الأحنفُ بنُ قيس ، حليمُ العربِ قاطبةً ، نحيفُ الجِسْمِ ، أحْدَبُ الظهرِ ، أحنى الساقين ، ضعيفُ البنيةِ .

الأعمش محدِّثُ الدنيا ، من الموالي ، ضعيفُ البصرِ ، فقيرُ ذاتِ اليدِ ، ممزقُ الثيابِ ، رثُ الهيئةِ والمنزلِ .

بل الأنبياء الكرامُ صلواتُ اللهِ وسلامُهُ عليهم ، كلٌّ منهم رعى الغنَمَ ، وكان داودُ حَدَّاداً ، وزكريا نجاراً ، وإدريس خياطاً ، وهم صفوةُ الناسِ وخَيْرُ البشرِ .

إذاً فقيمتُك مواهبُك ، وعملُك الصالحُ ، ونفعُك ، وخلقك ، فلا تأس على ما فات من جمالٍ أو مالٍ أو عيالٍ ، وارض بقسمِة اللهِ ﴿ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا .

****************************************

يعنى لو كل انسان فكر فى استغلال امكانياته كويس هيوصل للى هو عايزه واحسن كمان بسهوله جدا ان شاء الله

واتمنى اكون افدتكم ومستنية ارائكم

هناك 17 تعليقًا:

بنجاواتى يقول...

السلام عليكم

اول زيارة للمدونة وان شاء الله مش الاخيرة

الموضوع جميل جدا

انا كنت عاوز اضيف ان ربنا سبحانه وتقدّس قال:
(ألا يعلم من خلق وهو اللطيف الخبير)

فالله عز وجل خلق كل انسان وأعطاه كل اسباب السعادة بما يناسبه ولكن الانسان يشقى بأنه لا يرضى بهذه الاسباب وينظر الى ما اوتى غيره من اسباب

ولك تحياتى

Sweet Violet يقول...

الواحد فعلا لو رضى عن نفسه و عن حياته هيكون سعيد لا و كمان هيقدر يحقق اللى هو عايزه

لكن طول ماهو بيبص للى فى ايد غيره فدايما هيكون تعيس و مش هقيدر يتقدم خطوة

Kiara يقول...

القناعه كنز لاينفي بس مين بقي بيقتني الكنز دا الا القليل من الناس ؟؟؟؟؟؟

ألـــــــوان الحيــــــــاة يقول...

بنجاواتى

عندك حق فعلا ربنا موفر لكل انسان كل حاجه وكل انسان بيتخلق ومعاه رزقه

نورتنى بأول زيارة

تحياتى دوما

ألـــــــوان الحيــــــــاة يقول...

sweet violet

ياريت فعلا الناس تقدر اللى فى ايديها وتحمد ربنا عليه وقتها بس كل حاجه هتبقى احسن


منورانى يا قمر

ألـــــــوان الحيــــــــاة يقول...

كيارتى

مهو عشان كنز يبقى نادرا ما هتلاقيه مع الناس

منورانى ووحشانى كتير

Nigm يقول...

و نعم بالله

و من أعلي القيم اللي بمثابة الكنز الثمين لمن يعلم قيمته هوا الرضا النفسي و السلام الداخلي

لأن ده اللي بيخلينا نتعامل مع اي حاجة حسب قناعتنا احنا و حسب مبادئنا فبالتالي مش حنتاثر بالجمل و الايحائات السلبية للاخرين

انا جبت الكتاب بس لسه للاسف مسنحتليش الفرصة اني اقراه

جزاكي الله خيرا :)

ألـــــــوان الحيــــــــاة يقول...

Nigm

متفقه معاك تماما فى كلامك

وانا مشتريتش الكتاب انا نزلته من عالنت بس فى الصيف بقى ان شاء الله اشتريه عشان هو كبير ومحتاج يتقرى كويس وبمزاج

تحياتى دوما

الازهرى يقول...

من اصبح معافى فى بدنه امنا فى سربه عنده قوت يومه فقد حيزت له الدنيا بحذافيرها

وارضى بما قسمه لك تكن اغنى الناس

لو يعلم الناس بتلك الحكم ويعملوا بها لا ختلف حالهم كثيرا ولتركوا حسدهم لما عند غيرهم والتفتوا الى ما بايديهم ونهضوا به

تحياتى دوما

arsenalwy يقول...

صح يادكتورة

انا مقتنع جدا بالكلام ده كفايا نعمة ان الحمد لله الواحد سليم وعارف اكتب ليكى الكومنت ده

عمر ما السعادة بالمال ولا الجمال بس كلنا بنقول الجملة دى وقليل اوى مننا اللى بيقتنع بيها

موفقة دايما

ألـــــــوان الحيــــــــاة يقول...

ازهرى

كلامك كله تمام وياريت الناس تفهم فعلا

منورنى دايما

ألـــــــوان الحيــــــــاة يقول...

arsenalwy

والله ان عندنا نعم كتيره جدا لو شكرنا ربنا لو فضلنا نشكر ونحمد ربنا عليها طول العمر مش هنبقى شكرناه كما ينبغى برضه
بس للاسف قليل اللى بيقدر اللى عنده الا من رحم ربى

تحياتى دوما ومنورنى كتيير

أسطى في زمن البلي يقول...
أزال المؤلف هذا التعليق.
أسطى في زمن البلي يقول...

مش عارف دي اول مشاركة ليا في مدونتك يا دكتورة او شاركت قبل كدا

لانه بصراحة مشاركاتي قليلة جدا في المدونات

حتى عالم المنتديات بدات ابعد عنه شويه شوية


المهم

ارد جميل جنابك بمشاركتي فيما ألم بي

و لك الشكر




اقول .. ببساطة


رضي الله عنهم .. و رضوا عنه


دي قمة السعادة في الدنيا .. و الأمل بالسعادة في الآخرة



تقبل مروري

بنت الماضي يقول...

مبروك الشكل الجديد
قلتلك قبلك ده؟
معرفش بس عموما اقولها تاني

كنت ديما اقول لصحابي لما يسألوني انتي ازاي بتقدري تبقي مبسوطه اوي كده ديما
اقولهم من الرضا لو الواحد بس يرضا بحالته هيبقى حاجه تانيه اوييي
ربنا يزيدك رضا وسعاده :))

ألـــــــوان الحيــــــــاة يقول...

أسطى فى زمن البلى

ولا جميل ولا حاجة وربنا يقويك وتقدر تعدى الازمة دى وتمارس حياتك اقوى من الاول


تحياتى ليك ومنور المدونة بزيارتك

ألـــــــوان الحيــــــــاة يقول...

بنت الماضى

اميييين يارب ربنا يزيد الجميع رضا وسعادة

منورانى دايما